Más íospartach na coireachta tú féin nó duine de do theaghlach nó má chonaic tú coir á déanamh, beidh tú páirteach sa chóras ceartais choiriúil. D’fhéadfá a bheith trína chéile agus a bheith faoi strus mar gheall air sin. Cheapfá go bhfuil an córas ceartais choiriúil an-chasta, go háirithe má tá tú ag déileáil le héifeachtaí na coire féin chomh maith.
Baineann an roinn seo dár suíomh gréasáin go sonrach le híospartaigh agus finnéithe agus tugtar iarraidh ann freagairt a thabhairt ar na ceisteanna is minice a chuireann daoine orainn. B’fhéidir go mbeadh sé úsáideach duit chomh maith ár dhá leabhrán a léamh The Role of the DPP agus Going to Court as a Witness. Is féidir leat cóipeanna priontáilte de na leabhráin sin a iarraidh chomh maith tríd an nguthán +353 (0)1 858 8500 nó le ríomhphost chuig: dpp@dppireland.ie.
